Մասնագետի խորհուրդները. մատնահարդարում տնային պայմաններում

Մասնագետի խորհուրդները. մատնահարդարում տնային պայմաններում

 

Անխնամ եղունգները, հատկապես գարնանն ու ամռանը, հաճախ բարդույթների պատճառ են դառնում: Հայտնի է, որ մատները պետք է հարդարել 8-10 օրը մեկ անգամ, սակայն ոչ բոլորը հնարավորություն ունեն ամսական 2-3 անգամ հաճախել գեղեցկության սրահ: Միաժամանակ, մատնահարդարումն անհրաժեշտ է ոչ միայն գեղագիտական, այլեւ հիգիենիկ նպատակներով, քանի որ այդ ընթացքում հեռացվում են երկարած եղունգների տակ հավաքված կեղտն ու փոշին, ինչպես նաեւ վերամշակվում է նրբամաշկը:  

 

Եվ այսպես, տնային պայմաններում կատարյալ մատնահարդարման համար հարկավոր է հետեւել նշված կանոններին.

 

• Հեռացնելով լաքի մնացորդները՝ եղունգներն անհրաժեշտ երկարությամբ հավասարեցնել;

 

• Խարտոցով խնամքով մշակել, նախ՝ կողքերը, ապա՝ ծայրից դեպի մեջտեղի հատվածը;

 

• Խարտոցով եղունգները խնամքով հարթեցնել, որպեսզի մակերեսը դառնա հարթ՝ հավասարաչափ լաքապատելու համար;

 

• Տաք օճառային լուծույթով նրբամաշկը փափկացնել;

 

• Օգրագործել նրբամաշկը հեռացնելու միջոց կամ պարզապես կտրել այն;

 

• Հարդարման գործողությունից հետո մատներն անհրաժեշտ է ախտահանել:

 

Ինչ վերաբերում է լաքապատմանը. այս գործում նույնպես փոքրիկ հնարքներ կան: Նախ օգտագործում ենք լաք-հիմքը: Դրա շնորհիվ հիմնական գույնն ավելի խորը եւ հավասար կստացվի: Այն պետք է թողնել մի քանի րոպե՝ չորանալու: Այնուհետեւ եղունգը պատում ենք ընտրված երանգի լաքով: Թափահարեք անոթը, վրձինն ընկղմեք դրա մեջ եւ, ծայրն անոթի եզրին մաքրելով, հեռացրեք լաքի ավելորդ չափաբաժինը՝ միաժամանակ ազատվելով եղունգի մակերեսին պղպջականման էֆեկտի առաջացումից: