Գեղեցկության սրահներ
Առողջ ապրելակերպ
Պլաստիկա բոտոքս
Դաջվածքի սրահներ
Սպա և մերսում
Շոկոլադե ֆոնդան (կեքսեր հեղուկ լցոնով)
Կարելի է օգտագործել և կերամիկայից և սիլիկոնից: Այդ պատճառով խորհուրդ է տրվում թխել մեկ հատ և նայել, թե ինչ է ստացվել, որպեսզի անհրաժեշտության դեպքում ավելացնել կամ պակասեցնել թխելու ժամանակը:
Բաղադրիչների նշված քանակից ստացվում է 3-4 կեքս:
Բաղադրիչներ․
- 150 գր շոկոլադ 70-90% կակաո
- 50 գր սերուցքային կարագ
- 2 ձու
- 50 գր շաքարավազ
- 30-40 գր ալյուր։
Պատրաստման եղանակը․
Շոկոլադը կոտրատել: Վրան կարագ ավելացնել:
Դնել ջրաբաղնիքի վրա:
Տաքացնել մինչև հալչելը: Սառեցնել:
Ձուն հարել շաքարավազով:
Ավելացնել շոկոլադը կարագով, խառնել:
Ավելացնել ալյուրը, զգուշորեն խառնել: Խմորը չպետք է շատ թանձր լինի, այն պետք է դժվարությամբ ընկնի գդալից:
Կաղապարները քսել կարագով: Այս դեպքում օգտագործվել է 7 սմ բարձրությամբ և 8 սմ լայնությամբ կաղապար:
Ցանել վրան կակաո կամ ալյուր:
Լցնել խմորը կաղապարի 2/3-ի չափով:
Դնել մինչև 180 աստիճան տաքացրած ջեռոցի մեջ: Թխել 5-10 րոպե՝ կախված ջեռոցի տեսակից: Էլեկտրական ջեռոցում թխվում է 7 րոպեում:
Պատրաստի կեքսերը փոքր-ինչ սառեցնել, այնուհետև զգուշորեն շրջել ափսեի մեջ:
Մատուցել գոլ վիճակում:
Բարի ախորժակ: