Հայաստանը կներկայանա «Little Miss United World 2019» միջազգային մրցույթին

«Little Miss United World 2019» միջազգային հեղինակավոր մրցույթն այս տարի կանցկացվի հոկտեմբերի 2 - 8-ը, հեռավոր Կանարյան կղզիներում (Իսպանիա):

Մրցույթը, որն այս տարի անցկացվում է 19-րդ անգամ, մասնակից երկրների առումով ներկայացուցչական է և ընդգրկել է ավելի քան հինգ տասնյակ երկիր։

LITTLE MISS and MISTER WORLD ապրանքային նշանի բացառիկ օգտագործողն ու ազգային տնօրենը Հայաստանում «Թոփ մոդել Հայաստան» ազգային ասոցիացիան է: Սա բացառիկ հնարավորություն է Հայաստանը ներկայացնելու նման հեղինակավոր մրցույթում:

Այս տարի ևս մրցույթի միջազգային ժյուրիի կազմում շուրջ երեսուն երկրից հրավիրված արվեստի, մշակույթի, նորաձևության, շոու բիզնեսի, Fashion ինդուստրիայի ներկայացուցիչներ են: Մեր հետ զրույցում «Թոփ մոդել Հայաստան» ազգային ասոցիացիայի գործադիր տնօրեն Լուսինե Բաղդասարյանը նշեց, որ Հայասատանը երրորդ անգամ է ներկայանալու այս ստուգատեսին: «Ժամանակահատվածը որ նախատեսված էր մրցույթի քասթինգի, հայտերն ուղարկելու, վիզաների ստացման համար չափազանց կարճ էր՝ ընդամնեը մեկ ամիս: Բայց մենք գրեթե ամեն բան կարողացանք հասցնել»,-ասաց գործադիր տնօրենը:

Ինչ վերաբերում է Հայաստանը ներկայացնող մասնակիցներին, ապա նախապատվությունը կանգ է առել երկու հրաշք աղջնակների՝ ութամյա Ինեսա Պալոյանի և տասնմեկամյա Լյուսյա Ջանվելյանի վրա: Երկուսն էլ ներկայանալու են International model և International talent անվանակարգերում:

Ի դեպ՝ նախորդ անգամ Հայաստանը մրցույթից վերադարձել է GRAND PRIX հատուկ, Գլխավոր և BEST ART COSTUME մրցանակներով: Մեզ մնում է բարի ճանապարհ և հաջողություններ մաղթել Հայաստանը ներկայացնող մասնակիցներին: