Գեղեցկության սրահներ
Առողջ ապրելակերպ
Պլաստիկա բոտոքս
Դաջվածքի սրահներ
Սպա և մերսում
Չիզքեյք ազնվամորիով
Կաթնաշոռից չիզքեյքը ազնվամորիով ուղղակի տոնական տորթ է, վառ, սերուցքային և շատ հագեցնող:
Ներկայացնում ենք համեղ, սառը աղանդեր, որը կարող եք հանգիստ պատրաստել նաև տոնական միջոցառման համար:
Բաղադրիչներ․
- Թխվածքաբլիթ՝ 400 գր
- Սերուցքային կարագ՝ 150 գր
- Կաթնաշոռ՝ 800 գր
- Սերուցք՝ 120 մլ
- Շաքարավազ՝ 250 գր
- Ձու՝ 3 հատ
- Վանիլային շաքարավազ՝ 15 գր
- Վանիլին՝ ըստ ճաշակի
- Թթվասեր՝ 250 գր
- Հաղարջ 400 գր։
Պատրաստման եղանակը․
1. Մանրացրեք թխվածքաբլիթը բլենդերում, ավելացրեք հալեցված սերուցքային կարագը և լավ խառնեք:
2. 23 սմ տրամագծով բացվող կաղապարի հատակը ծածկեք պերգամենտային թղթով: Թխվածքաբլիթի փշուրները լցրեք վրան, հավասարեցրեք, բարձրացրեք պատերին և լավ սեղմեք:
3. Կաթնաշոռը (15% յուղայնությունից ոչ պակաս) անցկացրեք քերիչով կամ բլենդերով հարեք, լցրեք 20% յուղայնությամբ սերուցքը, խառնեք:
4. Կաթնաշոռային խառնուրդին ավելցրեք ձուն, հարեք, ավելացրեք 200 գր շաքարավազ և վանիլային շաքարավազ, հարեք: Լցրեք խառնուրդը կաղապարի մեջ և տեղադրեք 170 աստիճան տաքացրած ջեռոցի մեջ 50 րոպեյով:
5. Հարեք թթվասերը մնացած շաքարավազի և վանիլինի հետ: Հանեք չիզքեյքը ջեռոցից, բարձրացրեք ջերմաստիճանը մինչև 200 աստիճան:
6. Կաթնաշոռի վրա լցրեք թթվասերը և հետ դրեք ջեռոցի մեջ` 7 րոպեյով: Հանեք, զարդարեք ազնվամորիով և դրեք սառնարան՝ 6-8 ժամ:
Այս գեղեցկուհուն կարելի է զարդարել յուրաքանչյուր թարմ հատապտուղներով կամ կիսված ծիրաններով: Եթե հատապտուղները քաղցր չեն, տորթի վրա կարող եք շաքարավազի փոշի ցանել: